XORNADA PORTAS ABERTAS ALBERGUE LEMAVO

11 de Xuño de 2022 a partir das 20:00h.

En Monforte, no barrio das Cruces. Chamoso Lamas, 51

Catro anos pasaron desde aquel mes de maio do 2018 no que iniciabamos os trámites para poñer en marcha o noso proxecto de albergue na casa familiar do barrio das Cruces e que "A Voz de Galicia" recollía nas súas páxinas como “O Primeiro albergue privado do Camiño de Inverno en Monforte de Lemos”.

El primer albergue privado del Camino de Invierno estará en Monforte (lavozdegalicia.es)

Dende esa data, aos poucos, con moita ilusión e apoiándonos únicamente nos nosos aforros, sen subvención algunha, con toda a problemática inimaxinable dunha Pandemia por medio, conseguimos finalizar o proxecto e abrir as nosas instalacións ao público, e especialmente aos peregrinos e peregrinas do Camiño de Inverno, o derradeiro 23 de abril. Superada esa xornada e transcorrido un prazo prudencial no que, prioritariamente, adicamos o tempo a consolidar atención ás persoas que camiñan queremos, agora, dar un paso máis e abrir as portas a toda a cidadanía de Monforte para presentarlles as nosas instalacións, que as coñezan e no posible difundan, porque confiamos que con elas contribuiremos, en parte, a paliar o deficit de aloxamento e atencións que requiren as peregrinas e peregrinos da ruta Xacobea pola marxe do Sil e a ribeira do Miño.

Abofé, deste xeito, dende a capitalidade da Ribeira Sacra, entre todas e todos os Monfortinos faremos do Camiño de Inverno o mellor dos camiños.

O sábado 11 de xuño, ás 20:00h. no Albergue Lemavo agardámosvos coas portas abertas.

Ultreia et Suseia